Newyddion Diweddaraf
Yng nghyfarfod Bwrdd Trafnidiaeth Canolbarth Cymru (Trac) ar Fehefin 4ydd 2010, bu i'r Cynghorydd Sir Trevor Roberts (Barmouth, Gwynedd)
Gael ei ethol yn Gadeirydd gan gymryd yr awenau oddi wrth y Cynghorydd Sir Ray Quant (Borth, Ceredigion). Etholwyd y Cynghorydd Sir Geraint Hopkins (Gwernyfed, Powys) fel is-gadeirydd. Bydd y ddau yn gwasanaethu am gyfnod o ddwy flynedd.
Trafnidiaeth Canolbarth Cymru (Trac) yw partneriaeth cludiant rhanbarthol yr awdurdodau lleol ar gyfer Canolbarth Cymru (Ceredigion, Powys a rhanbarth Meirionnydd o Wynedd). Yn dilyn cyhoeddi ei Gynllun Trafnidiaeth Rhanbarthol cyntaf ym mis Medi 2009 mae Trafnidiaeth Canolbarth Cymru a'i awdurdodau lleol yn gweithio gyda'i gilydd ar nifer o gynlluniau a phrosiectau a ariennir drwy Raglen Gyfalaf y Cynllun Trafnidiaeth Rhanbarthol. Bydd y rhain yn cynnwys:
- Gwelliannau i gyfleusterau cyfnewidfa bysiau a thenau ar draws Canolbarth Cymru;
- Llwybrau cerdded a seiclo gwell a newydd ar draws Canolbarth Cymru;
- Grant i gwmnïau cludiant cymuned fel y gallant redeg gwell gwasanaethau neu wasanaethau newydd;
- Cyfrannu tuag at waith dylunio er mwyn darparu pont rheilffordd a ffordd newydd ym mhont Briwet, Penrhyndeudraeth;
- Cyfrannu at Cei Dev er mwyn darparu prosiect newydd trenau a ffyrdd Cei newydd;
- Arian i gynorthwyo awdurdodau lleol Trafnidiaeth Canolbarth Cymru i ddatblygu cynlluniau newydd ac i Drafnidiaeth Canolbarth Cymru ymgymryd â gwaith monitro ac ymchwilio; a
- Chynnal rhaglen i gynlluniau teithio cynaliadwy ar draws Canolbarth Cymru.
Am fwy o wybodaeth ewch i: www.tracc.gov.uk, e-bost: enquiries@tracc.gov.uk neu ffoniwch: 01970 633431.
Cynllun Trafnidiaeth Rhanbarthol (CTRh) TraCC
Mae Trafnidiaeth Canolbarth Cymru (TraCC) wedi cyflwyno ei Gynllun Trafnidiaeth Rhanbarthol cyntaf i Lywodraeth Cynulliad Cymru. Lluniwyd y Cynllun yn unol a chyfarwyddyd Llywodraeth y Cynulliad ac yn dilyn cyfnod helaeth o ymgynghori, yn gwrando ar farn a syniadau rhanddeiliaid, partneriaid a'r cyhoedd.
Cynllun statudol yw'r Cynllun Trafnidiaeth Rhanbarthol, sy'n pennu strategaeth drafnidiaeth integredig a chynaliadwy ar gyfer canolbarth Cymru. Mae hefyd yn ddogfen gynnig i'r Llywodraeth, gyda Rhaglen Bum Mlynedd o Fuddsoddi Cyfalaf ar fin cychwyn ym mis Ebrill 2010.
Sut i weld Cynllun Trafnidiaeth Rhanbarthol TraCC
Gellir lawrlwytho Cynllun Trafnidiaeth Rhanbarthol TraCC a'r dogfennau cysylltiedig drwy roi clic ar y dolenni cyswllt isod.
Mae copi o'r dogfennau ar gryno-ddisg ar gael yn rhad ac am ddim o Swyddfa TraCC. Mae copiau caled wedi'u rhwymo o'r Cynllun Trafnidiaeth Rhanbarthol a'r Atodiadau cysylltiedig ar gael am £5.00 yr un (sef £10.00 am gopi o'r Cynllun Trafnidiaeth Rhanbarthol a'r Atodiadau cysylltiedig). Anfonwch dal ymlaen llaw, gan wneud sieciau'n daladwy i 'TraCC RTP', i: Swyddfa TraCC, Canolfan Rheidol, Rhodfa Padarn, Llanbadarn Fawr, Aberystwyth, Ceredigion, SY23 3UE.
Mae copiau o'r dogfennau ar gael ar ffurf Print Bras neu Sain yn ol y gofyn.